చాలామంది లైఫ్ అయిపోయిందనుకుంటారు... లైఫ్‌లో ఇంకేం చెయ్యలేం అనుకుంటారు.. ఏ ఒక్క లైఫూ అంత మీనింగ్‌లెస్‌గా అయిపోయేది కాదు..
నావరకూ నేను ఎంతమందిని చూశానో.. నిన్న మొన్నటి వరకూ చాలా స్ట్రగుల్ పడీ.. ఇప్పుడు చాలా గౌరవప్రదమైన స్థాయిల్లో ఉన్న వాళ్లని...
వేళ్ల మీద లెక్క పెట్టుకోండి... ఐదంటే ఐదేళ్లు.... చాలా విలువైన ఐదేళ్లు మీ లైఫ్‌లో పొంచి ఉంటాయి.. ఆ ఐదేళ్లు ఎంత వీలైతే అంత కష్టపడండి.. కన్పించిన ప్రతీ అవకాశాన్నీ సద్వినియోగం చేసుకోండి.. తెలివైన నిర్ణయాలు తీసుకోండి... చాలు.. మీరు ఇన్నేళ్లు పడిన దిగులంతా ఆ సక్సెస్‌లో కొట్టుకుపోతుంది.
ఖాళీగా ఉంటున్నామే... ఇంట్లో వాళ్ల చూపుల్ని కూడా భరించలేకపోతున్నామే.. చనిపోవాలనిపిస్తుందే... అని ఏవేవో పిచ్చి ఆలోచనలు చేయకండి...
లైఫ్‌లో కెరీర్ ఓ చిన్న ఎపిసోడ్ మాత్రమే. ఆఫ్టరాల్ కెరీర్, సెటిల్మెంట్ గురించే అంత భారీ ఆలోచనలు చేస్తే ఎంతో విలువైన లైఫ్ ముందుంది... అది ఎవరు లీడ్ చేస్తారు?
యెస్... గిల్ట్ ఫీల్ ఉంటుంది... పరీక్షలు రాసీ... ఫలితాలు సరిగ్గా వచ్చీ రాకా.. అంతా బాగున్నా ఉద్యోగాలు దొరక్కా.... అన్నీ చాలా టిపికల్‌‌గానే ఉంటాయి... ఏది ఎలాగైనా చావనీయండి... నేర్చుకోవడం, కష్టపడడం ఆపకండి... ఖచ్చితంగా మీకంటూ ఓ క్షణం వస్తుంది... ఆ క్షణం మీరు నేర్చుకున్నదీ, కష్టపడినదీ దాని సత్తా ఏమిటో మీరే నమ్మనంత నిరూపించి చూపిస్తుంది.
ఫోకస్ పెట్టిన ప్రతీదీ ఖచ్చితంగా ఫలితం ఇస్తుంది.. వదిలేసిన ప్రతీదీ ఖచ్చితంగా నిరాశపరుస్తుంది. ఇది యూనివర్శల్ ట్రూత్. ఏ క్షణం మీరు జీవితంపై, కెరీర్‌పై ఆశ వదిలేస్తారో అంతటితో మీ అవకాశాలు నిలిచిపోతాయి. నేర్చుకుంటూ ట్రై చేయడమే... అలా ప్రయత్నించేటప్పుడు ఎవరెన్ని అవమానాలైనా చేయనీయండి... ఎన్ని మాటలైనా అననీయండి... పెదాలపై ఒక్క నవ్వుని నమ్ముకోండి... అందరి దగ్గరా ఆ ఒక్క నవ్వు నవ్వేసి లోపలెంత బాధ ఉన్నా తొక్కిపెట్టి మరింత కసిగా సాగిపొండి...
ఆ నవ్వే మీకు శ్రీరామరక్ష.. ఆ నవ్వే మీ కాన్ఫిడెన్స్ లెవలూ కూడా.. రేపు మీరేంటో ఈ ప్రపంచానికి నిరూపించేదీ ఆ నవ్వే... ఏ అవకాశాలూ లేవనీ, అందరూ చులకన చేస్తున్నారనీ ఏడ్చి ఏం సాధిస్తారు... నవ్వడం మొదలెట్టండి.. నేర్చుకోవడం మొదలెట్టండి.. కష్టపడడం మొదలెట్టండి... అన్నీ అవే పరిగెత్తుకుంటూ వచ్చేస్తాయి.. ఈ పూట కాకపోతే ఇంకో పూట ఆలస్యమవుతుందంతే.. కానీ రాకుండా మాత్రం పోవు.
ఒక్కటి మాత్రం నిజం... కసి ఉన్నోడిదే లైఫ్.. కసి లేని వాడికి జీవితం ఎప్పుడూ సహకరించదు... కసిని నిలుపుకోండి.. సాధించండి ఏదైనా, ఎంతవరకైనా..! లైఫ్ రబ్బర్ బాండ్ లాంటిది.. ఎంత సాగదీస్తే అంత దూరం సాగుతుంది.. ఎంత వదిలేస్తే అంత కుంచించుకుపోతుంది...!!
No comments:
Post a Comment